Rreth nesh

Qendra Kulturore Islame Shqiptare e.V

Në përgjegjësinë e njeriut para Zotit, Krijuesit të gjithë ekzistencës, kërkimi i së vërtetës dhe përpjekja për përsosmëri po fitojnë gjithnjë e më shumë rëndësi në kohën tonë. Kërkimi i së vërtetës është pjesë thelbësore e çdo njeriu që është i vetëdijshëm për prejardhjen e tij si krijesë e Zotit. Njerëzit besimtarë bashkohen në bashkësi fetare për t’i përmbushur detyrimet e tyre fetare.

Në Gjermani, muslimanët tashmë përbëjnë bashkësinë më të madhe fetare pas katolikëve dhe protestantëve. Për të informuar dhe për t’u hapur ndaj shoqërisë, aktivitetet e muslimanëve në kuadër të shoqatave janë të dobishme dhe të nevojshme.

Qëllimi dhe objektivat

Kultivimi dhe përcjellja e fesë islame, kulturës dhe traditës.

Promovimi i dialogut ndërfetar, si dhe zvogëlimi i keqkuptimeve dhe paragjykimeve ndërmjet bashkësive fetare.

Nxitja e arsimit profesional, shkollor dhe universitar për nxënësit dhe të rinjtë.

Promovimi i integrimit të personave me prejardhje muslimane që jetojnë në Gjermani, ku me integrim kuptohet bashkëjetesa paqësore dhe mirëkuptuese, duke ruajtur identitetin e vet.

Mbështetja e familjeve në çështje kulturore specifike dhe sociale.

Shoqata synon bashkëpunimin me organizata dhe institucione të tjera private dhe publike, kulturore dhe sociale.

Shoqata duhet të organizojë në mënyrë gjithëpërfshirëse shërbimin fetar dhe përkujdesjen shpirtërore për të gjithë anëtarët.

Shoqata qëndron besnike ndaj shtetit gjerman dhe Kushtetutës së tij dhe ndihet e përkushtuar ndaj rendit të lirë demokratik në Gjermani.